BO NADAL!

Os nenos e nenas da clase dos tigres desexámosvos que pasedes unhas felices festas en compaña dos vosos seres queridos e que recibades o novo ano 2014 con moita ledicia e saúde.

MOITOS BICOS PARA TOD@S!

ANIVERSARIO DE MATEO

O pasado martes celebramos o cumple de Mateo Santos que xa ten 4 aniños. Cantámoslle a canción do cumpreanos, sopramos as velas e degustamos un riquísimo biscoito caseiro. Moitas felicidades!

CUMPLE MATEO SANTOS - presentacion imagenes

A NOSA ÁRBORE DE NADAL

Xa chegou o Nadal á clase dos tigres! O mércores sacamos a nosa árbore e pouco a pouco comezamos a decorala cos adornos navideños. Como moitos xa somos expertos porque xa o colocaramos nas nosas casas non tivemos ningún problema e quedounos unha árbore chulísima. Mirade!

COLOCAMOS A ÁRBORE - foto montaje

ANIVERSARIOS DE NOVEMBRO

Neste mes tivemos as celebracións dos aniversarios de Constanza e Rubén que xa son un aniño máis grandes. Que cumplades moitos máis!

ANIVERSARIOS NOVEMBRO - presentacion imagenes

MELLORES LECTORES DO MES DE NOVEMBRO

Este mes escollemos como mellores lectores a Ana e a Mateo Oróns pola súa implicación na colocación e organización dos contos da nosa biblioteca de aula. Noraboa!

CELEBRAMOS O SAMAÍN

Durante esta semana os tigres estivemos moi atarefados celebrando o Samaín, para iso realizamos diferentes actividades: maquillámonos para dar moito medo, fixemos unhas receitas terroríficas que resultaron estar riquísimas, contamos contos de mostruos, vimos algunhas pelis curtiñas de medo e por suposto, colocamos ás cabazas talladas que trouxemos da casa na entrada do noso edificio. Aquí tedes a mostra.

O SAMAÍN DOS TIGRES - presentacion imagenes

CELEBRAMOS O MAGOSTO

Mirade que ben o pasamos os tigres no magosto xogando á oca e comendo castañas. Foi un día moi divertido e tivemos moita sorte de que o tempo nos acompañara.

O MAGOSTO DOS TIGRES - presentacion imagenes

ACTIVIDADES DE PLÁSTICA

Aproveitando que estes días temos con nós á profe Belén, decidimos facer diferentes actividades plásticas coas que o pasamos xenial. Xa sabedes que todo o que sexa mancharnos, pintar con pincel ou empregando ás nosas mans encántanos. Mirade, mirade!

Taller de plástica - presentacion imagenes

MELLORES LECTORES DO MES

Desde o equipo de biblioteca do centro proponse que cada mes se escollan nas aulas aos mellores lectores para fomentar o gusto pola lectura, o coidado da biblioteca e a motivación pola lectoescritura. No caso dos tigres, este mes escollemos a Mateo Santos e a Lara como mellores lectores polo seu interese.

ANIVERSARIOS DE SETEMBRO

Neste mes celebramos os aniversarios de Lara e Luana que xa cumpliron 4 aniños. Parabéns para as dúas!

ANIVERSARIOS SETEMBRO - presentacion imagenes

COMEZAMOS UN NOVO CURSO

Este ano iniciamos as clases dun xeito totalmente diferente ao do curso pasado. Con moitas ganas de vernos, de xogar xuntos no patio e de contarnos como nos foi durante os meses de vacacións.
Xa estamos en 4 anos e a nosa aula vai ser a dos tigres de dentes de sable, dos cales iremos coñecendo algunhas cousas aproveitando que este curso imos traballar a prehistoria.

Aquí vos deixamos unhas fotiños dos primeiros días do mes de setembro nos que tivemos tempo para un montón de cousas: facer o noso nome con plastilina, representar números co noso corpo, aprender as novas rutinas dos xefes e xefas da tribu...
Esperamos que as disfrutedes!

Primeiros días - presentacion imagenes

BENVID@S

Ola amigos/as son Diego, un tigre de dentes de sable e veño xunto cos meus amigos Mamut e Dodo dunha época moi moi lonxana...... A PREHISTORIA. Co paso dos días no cole iredes coñecendo máis detidamente de que trata iso da prehistoria.

Polo de agora estarei moi atento a todas as cousiñas que ides facendo na escola, os vosos traballos, os xogos na aula e no patio e todo o que aprendedes e disfrutades xuntos.

Moitos bicos para tod@s e ata pronto!

Diego