miércoles, 29 de enero de 2014

XOGAMOS COA PIZARRA DIXITAL

Aquí tedes unha mostra do que aprendemos xogando coa nosa PDI da aula. Apagamos as luces, acendemos o proxector, collemos o lápis máxico e empezamos a coñecer un montón de cousiñas sobre conceptos básicos como os números, as cores, as letras, as formas... e o mellor de todo é que o pasamos tan ben que o tempo pasa rapidísimo. Mirade, mirade!

viernes, 24 de enero de 2014

ANIVERSARIO DE SERGIO

O venres 17 deste mes celebramos o primeiro cumpreanos do 2014. Sergio cumpriu xa 5 anos, é o máis maior da clase. Celebrámolo cun biscoito que nos encantou, tiña chocolate polo medio! Mmmmmm.

sábado, 18 de enero de 2014

REGALOS DE REIS

Que sorpresa levamos a volta das vacacións de Nadal cando descubrimos que no cole tamén nos deixaran uns regaliños os Reis Magos. Debímonos portar moi ben porque nos trouxeron uns agasallos chulísimos: un xogo para crear distintas figuras con tornillos e tuercas e un peluche do noso amigo Diego, o tigre de dentes de sable. Mirade como xogamos estes días con eles!

lunes, 6 de enero de 2014

VISITA DOS REIS MAGOS

Que tal se portaron os Reis Magos? Seguro que fostes bós e Melchor, Gaspar e Baltasar vos trouxeron moitos agasallos.
Os tigres, o xoves día 19 de decembro recibimos no cole a visita das Súas Maxestades de Oriente e, aínda que ao primeiro algúns estabamos un pouquiño nerviosos e con algo de medo, cando nos tocou o turno de darlles a nosa carta na biblioteca fomos uns valentes e conseguimos ir falar con eles e explicarlles todo o que lles pediamos.
Aquí vos deixamos as fotos desta visita tan especial. Agardamos que vos gusten.

miércoles, 1 de enero de 2014

FELIZ 2014

 Aproveitamos esta primeira entrada do ano para ensinarvos algunhas das fotos do día do festival de Nadal. Como estivemos bastante atarefados e con moitos nervios para que a actuación saíra perfecta case non tivemos tempo de sacar fotos. Se queredes ver o vídeo da nosa actuación tedelo no blog xeral dos Labartapedra http://oslabartapedra.blogspot.com.es/

Que este ano que comeza traia o mellor para tod@s. Unha aperta moi grande.