lunes, 31 de marzo de 2014

COÑECEMOS A VINCENT VAN GOGH

Se no primeiro trimestre os tigres coñecemos a Kandinsky, neste trimestre estamos a traballar a Vincent Van Gogh. Grazas a algúns contos e a unha peli chulísima das tres mellizas que nos trouxo Constanza puidemos aprender que Vincent foi un pintor holandés que pasou grande parte da súa vida en Arlés (Francia). Alí vivía nunha casa amarela (a súa cor favorita) na cal tiña unha habitación que lle gustaba moito e saía a pintar paisaxes tanto de día como de noite. Proba disto é a obra que nos reproducimos "La noche estrellada", na cal Van Gogh pintou unha fermosa paisaxe de Arlés de noite.
Mirade que artistas estamos feitos!

martes, 25 de marzo de 2014

ANIVERSARIO DE CARLA

Cada vez son máis os tigres que se nos van facendo maiores. Hoxe tocoulle o turno a Carla que xa ten 5 aniños! Como nos gustou o biscoito de chocolate feito pola súa mami que nos trouxo. Que cumpras moitos máis Carla!

sábado, 22 de marzo de 2014

CELEBRAMOS O DÍA DA ÁRBORE

Aproveitando a chegada da primavera, o venres saímos ao noso patio para celebrar o Día da Árbore plantando unha Hebedonna. Primeiro tivemos que encher un pouquiño o oco con terra, despois metemos a planta e, a continuación, botamos máis terra para cubrir todo. Unha vez que tiñamos feito esto, fomos coller auga cunha regadeira e botamoslla á nosa Hebedonna. Estamos feitos uns xardineiros e xardineiras excelentes!

jueves, 20 de marzo de 2014

INVESTIGAMOS O MUNDO DOS TIGRES

Xa levamos uns días falando sobre os tigres de dentes de sable. Estamos a aprender un montón de cousas: sabemos que tamén se lles chamaba Smilodon, vimos cales eran as partes do seu corpo, buscamos na bola do mundo América do Norte que foi onde apareceron e América do Sur que foi o lugar onde se atoparon os últimos antes de que se extinguiran e tamén comprobamos as súas medidas. Por este motivo, decidimos facer os cairos dun tigre de dentes de sable a tamaño real (20 cm aproximadamente). Para iso, primeiro empregamos a cinta métrica e marcamos nunha folla onde estaba o número 20 e fixemos unha liña, despois coa plasti puxémonos mans á obra, cando rematamos botámoslle Alkyl e mirade cal foi o resultado!

martes, 11 de marzo de 2014

ANIVERSARIO DE CARMEN

Hoxe celebramos na aula o cumple de Carmen. Tivemos tempo de cantarlle o cumpreanos feliz, soprar as velas e degustar un riquísimo biscoito feito pola súa mamá na pastelería. Mmmmm encantounos. Parabéns polos teus 5 aniños, Carmen!

sábado, 8 de marzo de 2014

MELLORES LECTOR@S DE FEBREIRO

Como xa estamos en marzo, toca anunciar aos mellores lectores e lectoras do mes pasado. Nesta ocasión os elixidos son Lola e Nico polo seu interese polos contos e o seu coidado coa biblioteca de aula. Seguide así! Parabéns para os dous!

lunes, 3 de marzo de 2014

EN INFORMÁTICA

Como xa sabedes todos os mércores pola tarde temos informática e para iso temos que desplazarnos ata o cole dos maiores. Unha vez alí subimos as escaleiras moi caladiños para non molestar e imos ata a Aula Tic onde nos espera a profe Chus cos ordenadores acendidos e preparados para poder xogar.
O mércores da semana pasada estivemos facendo un xogo no que había que asociar o número coa cantidade correspondente, ordenar os números de xeito ascendente... Mirade que concentrados estabamos! Fixémolo xenial!