jueves, 22 de mayo de 2014

COMO CAMBIARON OS NOSOS VERMES DE SEDA!

Despois de varios días botándolles follas de moreira aos nosos vermiños de seda e de ver como se ían poñendo cada vez máis gordechos, esta semana comezaron a encasular. Agora mesmo temos catro casulos amareliños e tres vermes que non foron quen de encasular. Estes farán a metamorfose á vista.
Xa estamos contando os días para que finalice o proceso e ver saír as bolboretas!!




martes, 20 de mayo de 2014

FELICIDADES MARÍA!

Aínda que María cumple 5 aniños en agosto, cando xa non hai cole, non ía quedar sen a súa celebración e por iso trouxo hoxe a clase un biscoito riquísimo con moitas chuches por riba. Como nos puxemos!
Moitos parabéns María!

lunes, 19 de mayo de 2014

CORRE CORRE, CABACIÑA

O venres celebramos o Día das Letras Galegas cun divertido festival no auditorio. Os tigres representamos a obra "Corre corre, cabaciña" baseada no conto do mesmo título e fixémolo xenial. Para os que non nos puidestes ver ou queredes repetir aquí tedes o vídeo e as fotos deste momento. Agardamos que vos guste!


miércoles, 14 de mayo de 2014

FOMOS PREMIADOS!

Hoxe pola tarde, despois dunha entretida sesión de contos con Anxo Moure, tivo lugar a entrega de premios da Carreira pola Lingua e do Certame Literario, no que os alumnos e alumnas de E. Infantil participamos na modalidade de debuxo. Máis abaixo podedes admirar as nosas creacións para este certame. Nelas o tema principal foron as paisaxes galegas, imitando o estilo do artista coruñés Jorge Peteiro. Para iso, visionamos na pantalla da aula moitas das súas obras, as cales caracterízanse por ter moito colorido, liñas rectas e marcos con distintos elementos como decoración.
Tan bonitas quedaron as nosas creacións e tan ben o fixemos onte na Carreira pola Lingua que recibimos tres agasallos para compartir na clase: uns libros de animaliños, unha goma e unha corda para saltar.
Que sorte!!

sábado, 10 de mayo de 2014

PLANTAMOS NA HORTA

O venres, os tigres convertémonos en agricultores por un día e, coa axuda do profe Xaquín, estivemos plantando chícharos na horta do cole. Fomos en dous grupos para poder traballar mellor. O primeiro foi colocar a semente no buratiño, despois cubrimos o oco con terra para, a continuación, regar cun pouquiño de auga. 
Estamos feitos uns expertos! Mirade!
 

ANIVERSARIO DE NICO

O venres celebramos na clase o cumple de Nico, que xa ten 5 aniños. Que rápido pasa o tempo!
Nico trouxonos un biscoito de chocolate riquísimo, cunha decoración de lacasitos moi orixinal.
Moitos parabéns!

jueves, 8 de mayo de 2014

MELLORES LECTORES DE ABRIL

Neste mes os nenos elixidos como mellores lectores foron Sergio e Pablo que marcharon para casa moi contentos cun conto como agasallo. Parabéns para os dous! 
Quen serán os mellores lectores ou lectoras do próximo mes?