jueves, 3 de julio de 2014

ATA SEMPRE!

Moitas grazas por estes dous marabillosos anos nos que me fixestes parte das vosas vidas. Só teño palabras boas para tod@s (tigres e familias) e estou moi orgullosa de ter visto a vosa evolución desde que empezastes na escola, tan pequerrech@s e con aquelas cariñas asustadas, ata o día de hoxe, moito máis grandes e con moitas cousas aprendidas. 
Deséxovos que sigades tan simpátic@s, cariños@s e con tantas ganas por aprender como ata agora.
Desfrutade moito destas vacacións de verán e recargade as pilas para poder volver en setembro con moitas forzas. 
Unha aperta enorme e un montón de bicos! 
Quérovos moito!

sábado, 28 de junio de 2014

OS TIGRES NO PATIO

Aquí nos tedes desfrutando dos últimos días de curso no patio do cole. Entre risas, xogos, carreiras, fútbol e apertas pasamos moi bós momentos. Aquí está a proba!

jueves, 26 de junio de 2014

POR FIN! OS NOSOS VERMIÑOS CONVERTÉRONSE EN BOLBORETAS!

Na última semana que pasamos os tigres no cole tivemos a sorte de poder comprobar por nós mesmos o último pasiño na evolución dos vermes de seda. Estes saíron dos seus casulos convertidos nunhas bolboretiñas grises moi simpáticas. Neste momento, puidemos diferenciar entre as bolboretas femia que son máis pequenas e están máis quietiñas e as bolboretas macho, máis grandes e cun movemento de ás constante para chamar a atención das femias. 
Pasado un tempo as bolboretas puxeron os seus oviños dos que máis adiante sairán máis vermiños e outra vez volta a empezar.
Aquí vos deixamos as fotos desta actividade tan chula!








domingo, 22 de junio de 2014

CANTO TRABALLAMOS NESTE ÚLTIMO TRIMESTRE!

Nestes últimos días do terceiro trimestre estivemos moi atarefados preparando as portadas para levar a casa os nosos traballos. Por unha banda, fixemos un cangrexiño moi simpático para presentar as nosas fichas diarias e para o cal realizamos distintas tarefas: picado, estampado con corchos e con bastonciños das orellas, moldeado de plastilina, pegado de gomets... 
E por outra parte, tamén fixemos as portadas para o proxecto anual da Prehistoria. Para isto, repasamos con ceras brandas a silueta dun bisonte, a continuación fixemos unha bola co papel para que quedara moi engurrado e, por último, pintamos cun pincel e con témpera marrón augada por dentro do animaliño. Para darlle un toque máis prehistórico, as profes queimáronlles un pouquiño os bordes ao papel e.... aquí tedes os resultados. 
Agardamos que vos gusten!

viernes, 20 de junio de 2014

FELICIDADES PABLO!

Só nos faltaba Pablo para completar as celebracións adiantadas dos cumples. O mércores foi o seu día e encantounos pasalo ao seu lado, soprando as velas, cantándolle e probando o riquísimo biscoito de chocolate feito pola súa mami. Ademais, tivemos a sorte de que tamén nos trouxo un tubiño de Lacasitos para cada un. Moitas grazas Pablo e que cumplas moitos máis!

viernes, 13 de junio de 2014

CELEBRAMOS O CUMPLE DE ANA

Seguimos coas celebracións adiantadas dos cumples do verán. Este xoves tocoulle a Ana soprar a vela dos 5 anos e recibir moitas felicitacións. Ela agasallounos cun riquísimo biscoito da panadería dos seus avós que tiña a Hello Kitty feita con azucre, chuches e tronquiños de chocolate facendo de bigotes. Encantounos! Moitos parabéns Ana!

ARTISTAS PREHISTÓRICOS

Esta semana estivemos traballando a arte rupestre e, para iso visionamos na nosa pantalla pequenos trozos de documentais nos que puidemos ver como eran as pinturas que se facían dentro das cavernas e que se empregaba para facelas. Deste xeito, aprendemos que aos cavernícolas gustáballes moito representar escenas de caza e tamén pintar as súas mans. Isto facíano tanto en positivo (mollando a palma da man e estampándoa) como en negativo (colocando a súa man limpa na parede da caverna e, a continuación, soprando por unha cana que tiña dentro arcilla, sangue... e deixando así a silueta da man). 
Os tigres non queriamos ser menos e decidimos estampar as nosas mans nas paredes da cova que temos na entrada do cole e así o fixemos. Mirade, mirade!