lunes, 28 de abril de 2014

OS PADRIÑOS E AS MADRIÑAS LENNOS CONTOS

O venres pola tarde pasamos un rato moi bonito e entretido cos nosos compañeiros e compañeiras de 4º, 5º e 6º de Primaria. Con motivo da semana do libro, cada tigre tiña un padriño ou unha madriña asignada, os cales viñeron a presentarse e a coñecer os nosos gustos ao longo da semana para o venres agasallarnos coa lectura individualizada dun conto e dun oviño de chocolate. Que sorte temos con estes compañeiros/as tan bós!
Mirade que atentos estivemos!

TEMOS AMIGOS NOVOS NA AULA!

Hoxe pola mañá, cando chegamos a clase, tiñamos unha sorpresa moi grande: uns novos compañeiros que nos van acompañar ata que remate o curso. Estes son moi especiais xa que só comen follas dunha planta que se chama moreira, rillan nelas e vanse facendo cada vez máis grandes, tanto que cambian a súa muda varias veces ao longo deste proceso. Cando xa son grandes abondo, fan un casulo de seda e están dentro uns días ata que ocorre a maxia da metamorfose e convértense en bolboretas. Supoño que a estas alturas xa saberedes que se trata dos vermes de seda. No blog xeral de Infantil http://oslabartapedra.blogspot.com.es/ podedes ver un vídeo co conto que escoitamos hoxe e no que se explica todo o proceso.
Estamos moi emocionados con estes novos compañeiros, tanto que hoxe xa puidemos collelos, tocalos, ver como se moven, como comen... 
Xa vos seguiremos informando a medida que estes amiguiños vaian crecendo.
 
 


lunes, 14 de abril de 2014

TRABALLOS DO 2º TRIMESTRE

Para poder levar a casa os nosos traballos deste segundo trimestre ben presentadiños, tivemos que traballar moito na clase. Para a portada, decoramos unha cartolina con papeliños de diferentes cores facéndolle primeiro un marco e cubrindo despois o interior ao noso gusto. Fixemos tamén unha bolboreta moi bonita a cal tivemos que pintar con ceras brandas, botarlle Alkyl e, a continuación, purpurina nas dúas ás. Por último, pintámoslle os pétalos a unha flor, picámola e finalmente pegamos estes dous elementos enriba da nosa cartolina.
A contraportada das nosas fichas e unha obra de arte titulada "Os lirios" pertencente a un autor moi coñecido chamado Vincent Van Gogh, o cal estivemos a traballar durante todo este trimestre. Neste caso fixemos a nosa particular versión deste cadro, estampando os lirios cunhas esponxas de distintos tamaños e, a continuación, debuxando co pincel o resto de flores e elementos que compoñen esta obra.
Aquí vos deixamos coas fotos de todo o proceso, o resultado xa o tedes na casa.

viernes, 4 de abril de 2014

MELLORES LECTORAS DO MES DE MARZO

As elixidas deste mes son María e Carla polo seu interese e atención durante as lecturas dos contos así como pola súa imaxinación á hora de relatarnos historias. Moitos parabéns para as dúas!